"УЛААНБААТАР 2023" ЗҮҮН АЗИЙН ЗАЛУУЧУУДЫН НААДМЫН ХААЛТЫН АЖИЛЛАГААНД ТА БҮХНИЙГ УРЬЖ БАЙНА
2023 оны 08 дугаар сарын 16-ний өдөр Монгол улсын нийслэлд нээлтээ хийсэн “Улаанбаатар 2023” Зүүн Азийн залуучуудын наадам 08 дугаар сарын 23-ны өдөр буюу маргааш хөшгөө хаах гэж байна. Монгол Улсад анх удаагаа болж байгаа 11 спортын 12 төрөлтөөр зохиогдсон тус наадмын хаалтын ажиллагаа Монгол Улсын нийслэл Улаанбаатар хотын төв талбайд болно. Тус арга хэмжээнд “Улаанбаатар 2023” Зүүн Азийн залуучуудын наадамд амжилттай оролцож, медаль хүртсэн тамирчид, Зүүн Азийн Олимпын Хорооны төлөөлөгчид болон хүндэт зочид төлөөлөгчид оролцоно.
Хамтдаа нэгэн зорилгын дор нэгдэж, нийлж нэгдэж анх удаагаа эх нутагтаа “Улаанбаатар 2023” Зүүн Азийн залуучуудын наадмыг зохион байгуулагчид Нийслэл хотын нийт иргэд тэр дундаа залуустаа “Улаанбаатарын үдэш” шөнийн шоугаар бэлэг барьж байна. 8 хоногийн туршид бидэнтэй хамт байсан спортод хайртай, дуртай хүн бүхнийг урьж байна. Хамтдаа, хамтын хүчээр зохион байгуулсан “Улаанбаатар 2023” Зүүн Азийн залуучуудын наадмын хаалтын арга хэмжээнд оролцож анхны Зүүн Азийн залуучуудын наадамд оролцсон тамирчид, дасгалжуулагч, зочид төлөөлөгчдөө халуун дотноор үдье.
