ДОМОГТ САОРИ ЁШИДАГИЙН ҮРГЭЛЖЛЭЛ
“Улаанбаатар-2023” Зүүн Азийн залуучуудын наадмын чөлөөт бөхийн тэмцээний хоёр дахь өдрийн урдчилсан барилдаан үргэлжлэн явагдаж байна. Өнөөдөр эмэгтэйчүүдийн 65 кг-ын жинд өрсөлдөж байгаа Япон улсын тамирчин Чисато Ёшида Олимпын 3 алт, 1 мөнгө, Дэлхийн 13 удаагийн аварга домогт Саори Ёшидагийн төрсөн ахынх нь ууган охин ажээ.
Тэрээр энэ оны 8 сарын 3 нд Турк улсын Станбулд болсон 17 хүртэлх насны ДАШТ-ий алтан медаль хүртсэн. Шинэхэн дэлхийн аварга “Улаанбаатар-2023” Зүүн Азийн залуучуудын наадмын дэвжээнд өрсөлдөж байна. Домогт эгчийнхээ үргэлжлэл болсон тэрээр аль хэдийнээ Дэлхийд танигдаад эхэлжээ. Тэр түрүүлэх зорилготой иржээ.
Эх сурвалж: Champ media
