САГСАН БӨМБӨГ: МОНГОЛ УЛСЫН ЭРЭГТЭЙ ШИГШЭЭ БАГ ХҮРЭЛ МЕДАЛИЙН ТӨЛӨӨ ӨРСӨЛДӨНӨ
Маргааш "УЛААНБААТАР-2023" Зүүн Азийн залуучуудын наадмын сагсан бөмбөгийн тэмцээний сүүлийн өдөр буюу медалийн эзэд тодорно. Монгол Улсын эрэгтэй шигшээ баг одоогийн байдлаар 1 хожиж, 2 хожигдсон амжилттай байгаа билээ. Маргааш хүрэл медалийн төлөө Хятадын Макаогийн шигшээ багийн эсрэг тоглоно. Хятадын Макаугийн шигшээ баг одоогоор гурван тоглолт хийж, нэг ч хожоогүй байна. Монгол Улсын эрэгтэй шигшээ баг Хятадын Макаогийн шигшээ багийг хожсон тохиолдолд "Улаанбаатар -2023" Зүүн Азийн залуучуудын наадмын сагсан бөмбөгийн тэмцээний хүрэл медалийн эзэд болох юм.Маргааш эхний тоглолт 12:00 цагаас эхэлнэ. Хятадын шигшээ багийн эсрэг Хятадын Тайванийн шигшээ баг. Хожсон баг нь аваргын алтан медалийн эзэд болно. Хоёр дахь тоглолт 14:15 цагаас Монгол Улсын эмэгтэй шигшээ болон Хятадын шигшээ багуудын хооронд болно. Тэмцээний сүүлийн тоглолт Монгол Улсын эрэгтэй шигшээ багийн эсрэг Хятадын Макаогийн шигшээ баг. Тоглолт 16:30 цагаас эхэлнэ.
Та бүхнийг "UG Arena"-д хүрэлцэн ирж шигшээ багуудаа дэмжихийг уриалж байна.
Эх сурвалж: Champ media
