AgroExpo 2024 олон улсын хөдөө аж ахуй, газар тариалангийн салбарын нэгдсэн хамгийн том үзэсгэлэн 06 дугаар сарын 07-09-ны өдрүүдэд Буянт-Ухаа спортын ордонд  3 дахь зохион байгуулагдаж байна. 

Үзэсгэлэнг Хөдөө аж ахуй, хөнгөн үйлдвэрийн яам, Монголын тариаланчдын үндэсний холбоо, Монголын мод үржүүлэг, цэцэрлэгжүүлэлтийн мэргэжлийн байгууллагуудын холбоо ТББ дэмжин ажиллаж байгаа бол Ерөнхий ивээн тэтгэгч байгуууллагаар Мөнх Ногоон Тал ХХК,  Алтан ивээн тэтгэгч байгууллагаар Агромаштек ХХК ажиллаж байна. 

Үзэсгэлэнд олон улсын байгууллагууд  аймаг сумдын холбогдох төлөөллүүд, салбарын бизнес эрхлэгчид, мал аж ахуй, ферм, газар тариалангийн чиглэлээр үйл ажиллагаа явуулдаг компаниуд, өрхийн бизнес эрхлэгчид, тоног төхөөрөмж импортлогчид, үйлдвэрлэгчид оролцож байна

Agro Expo үзэсгэлэн нь хөдөө аж ахуйн үндсэн хоёр салбар газар тариалан, мал аж ахуйн салбарыг хамарч ирсэн бол өнөө жилээс гуравдахь салбар буюу Ойжуулалт, цэцэрлэгжүүлэлийн салбарыг нэмж оролцуулан зохион байгуулна. 

Ойн аж ахуйн, цэцэрлэгжүүлэлтийн бизнес эрхэлдэг аж ахуйн нэгжүүдийг үйлчилгээг танилцуулах, ойн аж ахуйн тоног төхөөрөмж, суулгац, цэцэрлэгжүүлэлт, зүлэг, цэцгийн үр нийлүүлэгчдийг бүтээгдэхүүнийг сурталчлах боломж олгоно. Үүнээс гадна судлаач, эрдэмтэн, профессор, шинжээч, хөдөө аж ахуйн мэргэжилтэнгүүд салбарт бий болж буй өсөл дэвшил, хөгжлийн талаар мэдээ мэдээллээр хангах ба зорилтод бүлэгт зориулж олон улсын бизнес эрхлэгчид туршлагаасаа хуваалцах томоохон арга хэмжээ болох юм. 

Агро Экспо 2024 үзэсгэлэн нь салбар дундын харилцаа холбоог сайжруулах, хамтын ажиллагааг өргөжүүлэх, хөдөө аж ахуйн өнөөгийн хөгжил дэвшлийг нийтэд харуулах, шинэ боломжийг олгох, эрэлхийлэх эрхэм зорилготой юм. Үүгээр зогсохгүй үзэсгэлэнгээр дамжуулан салбарын хөгжил урагшлах чухал алхам болох төдийгүй олон улсын зах зээлтэй шууд холбох гүүр болохоор томоохон зорилт тавин ажиллаж байна. 

Одоогийн байдлаар БНХАУ, ОХУ, Малайз, Солонгос зэрэг 10 орчим орноос нийт 80 гаруй байгууллага үзэсгэлэнд оролцож байна. 

Дэмжигч байгууллагууд: ХХААХҮЯ, МТҮХ

Холбогдох дугаар : +976 77773010, 80881187

www.agroexpo.mn   sales@minex.mn   хаягаар хандана уу